3.23.2017

FRAGILE NIGHTS


1. Home by Reese Lansangan
2. Undesired by Fools and Foes
3. All of the Noise by B.P. Valenzuela
4. General Scheme of Things by B.P. Valenzuela
5. Cincinnati Clocks by Ourselves the Elves
6. Masaya by Frances Feranil
7. Different Shades of Blue by The Buildings
8. 'Wag na Sana Akong Gumising Mag-isa by Jastafraz's Chechebureche
9. Cuida by Sugarfree
10. Unti-Unti by UDD
11. High by The Speaks ft. Barbie Almalbis
12. Goodbye by Juana (Acoustic)

LISTEN: https://open.spotify.com/user/rheagulin/playlist/3MxAIXGmRCTUYAseLCpo1N

12.19.2016

2016!!!

Kasalukuyan kong hinihintay ang papel ng isa sa mga kaklase ko sa MA para gawan ng isa pang papel dahil mga kumare at kumpare, Disyembre 19 ay hindi pa rin tapos ang semestreng ito para sa akin. Pero nagbanlaw na ako sa Indang Cavite noong Sabado at Linggo at dahil sa dami ng kabulastugan na ginawa ko ay hindi pa rin bumabalik ang boses ko. Ayun na nga. Bale, wala akong magawa ngayon. Kakatapos ko lang din manuod ng Wolf Children na sooooobrang ganda. Ayoko magbasa dahil baka mapagod ang utak ko at makatulog na at hindi ko na magawa yung papel na gagawin ko na ipapasa na bukas. Tangina dami kong dada.

Ilang araw na lang matatapos na ang 2016. Shet at sheeeeeet. 'Di ko alam mararamdaman ko, parang ngayon, 'di ko rin alam ginagawa ko. ODK, ang daming nangyari sa taong ito. Maraming maganda. Maraming panget. Kaya pagpinagsama mo iyong mga iyon, ayyy, ang dami nga talaga. Pero sabi nga ni Kylie Jenner bago mag-umpisa ang taong ito:


Ang dami ko ngang narealize na stuff this year! Subukan natin isa-isahin kada buwan:

Enero: Nag-umpisa na ulit akong mag-aral (YEYYY) ng Master of Arts in Filipino: Malikhaing Pagsulat sa Unibersidad ng Pilipinas-Diliman. Kapit sa patalim at pikit-mata ko itong ginawa dahil AB/BSE Literature in English ang di-gradwadong kurso ko pero salamat naman at wala akong AB subjects na kailangang balikan. Ayun, hello ulit sa mga deadlines at stress ng pagiging estudyante!

Pebrero: Maraming nakilalang politiko at pulpolitiko dahil sa eleksyon. Ayun lang naman. At UP Fair! At JaDine live! Walang nangyari nung 14.

Marso: May nakilalang gusto ko. Tatlong taon na ata ang nakalipas nung may huli akong nagustuhan na alam n'yo na.

Abril: Nakilala ko nang personal si Miriam Defensor-Santiago. Masayang nalibot ang Binondo (na dati ko naman nang ginagawa pero ewan ko, ang saya lang noon. Salamat Globe! Hehehe). Hello pixie cut! Kapal ng mukha ko pero hanggang ngayon (Disyembre 19) ay feel na feel kong bagay sa akin ang gupit ko. Luh. Haha. May kinakausap nga pala ako araw-araw (at gabi-gabi pa nga ata) noong buong buwan ng Abril.

Mayo: Unang beses na nakasama sa isang mobilisasyon, May 1 Labor Day! Eleksyon! Nanalo si Digong, mga ka-DDS! Jack Daniel's Indie Fest (BP Valenzuela! Oh, Flamingo! UDD!) Wala nang kinakausap araw-araw at gabi-gabi. Napagtanto rin kung gaano kahalaga ang pagpili sa sarili.

Hunyo: Nalamang nakapasok ulit sa isang pambansang palihan na ang ibig sabihin ay libreng bakasyon at pagkain ulit ng isang linggo oraaaayt. Joke lang. Syempre, mahahasa ulit ang pagsusulat at makikilala nang personal (at makakasama sa loob ng isang linggo) ang mga paboritong manunulat!

Hulyo: Hello Baguio para sa UST National Writers Workshop 2016! Hello mga bagong kaibigang manunulat! Pero, paalam Manila Bulletin. Nagresign ako sa trabahong kung tutuusin ay sobrang dream job para sa mga millennial tulad ko. Binabayaran para makakilala ng mga sikat na tao. Binabayaran para pumunta sa mga concert, party, event, etc. At sobrang daming libreng kung anu-ano! Wala eh, gusto ko na talaga magturo ulit.

Agosto: Kapit sa patalim ang pagreresign ko sa MB noon dahil nalaman kong may mga series of exams and interviews pa pala kahit naging maayos ang demonstration teaching ko sa pinapasukang paaralan. Syempre, kahit naman sinong tao kakabahan na mawalan ng trabaho. At lalong mas nakakakaba dahil kung sakali ay pinakawalan ko ang isang napakagandang trabaho para sa wala. Pero sa awa ng Diyos, hello Bulacan State University- Sarmiento Campus!

Setyembre: Naging opisyal nang miyembro ng Kataga- Manila! Alam kong nasa tamang wiriting organization ako dahil pinapayagan nila akong magpatugtog ng Gloc 9 at JaDine... nang nakaloud speaker! At MIBF2016!

Oktubre: Naka-isa na rin sa wakas! Oktubre 29 opisyal na inilunsad ang Faura, ang antolohiya ng mga akda ng mga bagong kasapi ng Kataga-Manila. Unang libro na kinabibilangan ko!

Nobyembre: Singapore, shing! Syempre, masaya kong makapaglaro sa Universal Studios- Singapore. Pero, sobrang saya ko noong nakadaan sa isang Hindu temple (muntik pa ngang makapanuod ng isang kasal, sayang) at makadalo sa isang Buddhist mass (kahit kinailangan akong balutan ng tela). Unang beses ko ring makasakay ng eroplano. Maraming salamat syempre sa ate ko! Pero, nanalo si Donald Trum sa US elections.

Desyembre: BLTX Manila. Pagtatapos ng unang semestre ko sa BSU-SC. Windangan sa Indang ng Kataga- Manila. At ayun na nga, ang hindi matapos-tapos na ikalawang regular sem sa UP. Baka may humabol pa sa mga susunod na araw, ieedit ko na lang ito!

Enero-Desyembre: Dami kong mga bagong nakilala! At lahat sila naging inspirasyon ko para mapabuti ang sarili. Yung iba, sa sobrang stress ko sa kanila, naisip ko na kahit anong mangyari ay hindi ako dapat maging katulad nila. Hindi ginagamit ang utak? Shet Rhea calibrate your readings! Maging logical 24/7 kahit tulog (na bihira nang mangyari sa totoo lang)! Walang puso? Shet Rhea isipin na ang ultimate goal ng Literature ay ang pagiging humane, wala lahat ng pinag-aralan mo kung hindi ka humane! Panget ang mga ugali kaya panget na rin ang itsura sa paningin ng iba? Shet Rhea! Moisturize! Moisturize! Kilay on fleek! Rak ang matte lipstick na yan! Chos.

Pero iyong iba, karamihan ay mga estudyante ko, sa sobrang bait at pursigido sa buhay, nainspire akong maging mabuting tao para lang deserve ko na mag-exist sa outskirts ng buhay nila. Hindi ko naman sila close. Hindi rin naman ganoon kalaki papel ko sa buhay nila. Pero alam mo yun, sobrang ayos ng buhay nila na kailangan kong magdouble effort para lang 'wag mabangasan iyon. How to be you mga ate at koya!

Gusto ko sanang gawing seryoso, poignant, insightful, heartfelt, eklavu eklavu eklavu ng post na ito pero ewan ko, 'di ko pa kaya ngayon. Sa dami ng nangyari at naramdaman ko ngayong taon, medyo mahirap isulat, lalo na't sa totoo lang ay nagpapalipas-oras lang ako ngayon. Pero baka may isa pang hiwalay na post dito, iyong upak. Baka maglabas din ako ng mixtape para sa taong ito. Baka.

Ayun. Kung naging bahagi ka ng 2016 ko, sa mabuti mang paraan o hindi, maraming maraming maraming salamat! Sana ay naging masaya rin ang 2016 mo!